सर्वसामान्य स्थिती असलेल्या व वाढलेल्या घरात नामदार गोपाळकृष्ण गोखले यांच्यासारखा जागतिक कीर्तीचा महापुरुष कसा निर्माण झाला? कालप्रवाह ओळखून राज्यकर्त्या प्रतिस्पर्धी ख्रिस्ती मिशनऱ्यांना तोंड देण्याकरता ठामपणे उभे राहणारे विष्णुबुवा ब्रह्मचारी कसे निर्माण झाले? हे प्रश्न अभ्यास करण्यासारखे आहेत. अशी हजारो व्यक्तिमत्त्वे विविध परिचित/अपरिचित क्षेत्रांमध्ये गोखले घराण्याने घडवली आहेत. आपले राष्ट्र सामर्थ्यवान व्हावे व आपला समाज कोणत्याही परिस्थितीत उत्कर्ष साधणारा व्हावा, ही आपली इच्छा सफल होण्यास हे संकेतस्थळ व यावरील परिपूर्ण माहिती उपयोगी पडेल असा आम्हाला विश्वास आहे.