‘मैत्र हे शब्द सुरांचे’ हा कार्यक्रम दूरदर्शन केंद्र, मुंबई यांच्या प्रस्तुतीतून डीडी सह्याद्री (सह्याद्री मराठी) वाहिनीवर प्रसारित करण्यात आला. या कार्यक्रमाच्या निर्मात्या उमा दीक्षित असून, निर्माता-दिग्दर्शक उमा दीक्षित आहेत. ज्येष्ठ रंगकर्मी विजय गोखले यांच्यासह ओमकार प्रभूघाटे, मयुर सुकाळे, संदीप पवार, निरंजन लेले, कल्याणी जोशी आणि संपदा माने यांनी या कार्यक्रमात सहभाग घेतला आहे. कार्यक्रमाचे सूत्रसंचालन विघ्नेश जोशी यांनी केले असून, संकलनाची जबाबदारी रामचंद्र वाडेकर यांनी सांभाळली आहे. शीर्षक गीत दिनेश अडावदकर यांनी लिहिले असून, त्याला संगीत कौशल इनामदार यांनी दिले आहे. हे गीत हंसिका अय्यर आणि धनंजय म्हसकर यांच्या सुमधुर आवाजात सादर झाले आहे. निर्मिती सहाय्यक म्हणून विश्वजीत वळंजू आणि सोशल मीडिया व्यवस्थापनाची जबाबदारी सई सागर मांजरेकर यांनी पार पाडली आहे.